पिंपरी, ता. ३० ः पिंपरी-चिंचवड एज्युकेशन ट्रस्टच्या (पीसीईटी) निगडी येथील पुणे बिझनेस स्कूलमध्ये उद्या (गुरूवारी) ‘ॲग्रीवाईज २०२२’ परिसंवाद आयोजन आहे. यामध्ये कृषी क्षेत्रातील करिअरच्या विविध संधी, सरकारी पातळीवर कृषी व्यवसायासाठी होत असलेले धोरणात्मक निर्णय, कृषी क्षेत्राच्या कॉर्पोरेट मधील संधी, स्टार्ट अप कसे सुरु करावे, कृषी उद्योजकता वाढविण्यासाठी मार्गदर्शन व चर्चासत्र होणार आहे.

सकाळी दहाला माजी मंत्री हर्षवर्धन पाटील यांच्या हस्ते याचे उद्‌घाटन होईल. यानंतर साखर आयुक्त शेखर गायकवाड, कृषी व अर्थतज्ञ डॉ. परशूराम पाटील, सह्याद्री फार्मचे आबासाहेब काळे, ॲग्रोस्टार सितांशु शेठ, दिपक फर्टिलायझरचे विनीत सिंग, जॉन डिअर कंपनीच्या अभिजित परळीकर, सिजेंटा कंपनीच्या दिपाली रजनी, धानुका ऍग्री टेकचे घनश्याम इंगळे, देवयानी पवार, कॉर्पोरेट ट्रेनर तुप्ती जाधव आणि पुणे बिझनेस स्कुलच्या डीन डॉ. मंजू पुनिया चोप्रा आदी मार्गदर्शन करणार आहेत. परिसंवाद सर्वांसाठी खुला आहे, अशी माहिती पीसीईटीचे अध्यक्ष ज्ञानेश्वर लांडगे यांनी दिली आहे.