ऊर्से, ता. ६ : येथे जागतिक पर्यावरण दिनानिमित्त फिनोलेक्स केबल लिमिटेड कंपनीमध्ये वृक्षारोपणाचा कार्यक्रम आयोजित केला होता. यावेळी ५० वृक्षांचे वृक्षारोपण करण्यात आले. कार्यक्रमप्रसंगी पर्यावरण विषयक धोरण व पर्यावरण दिवस शपथविधी कंपनीचे एचआर हेड विजय कुलकर्णी यांनी केले. त्यानंतर ‘पर्यावरण रक्षण व संरक्षण करणे ही काळाची गरज आहे’ या विषयावर कंपनीचे प्रमुख प्लांट हेड एल. जी. श्रीमनवार यांनी मार्गदर्शन दिले. या कार्यक्रमाला सरपंच भारती गावडे, ग्रामविकास अधिकारी बाळासाहेब गावडे, सतीश कारके, सुधीर बराटे, जयश्री सावंत आदी उपस्थित होते. प्रास्ताविक व सूत्रसंचालन कल्लाप्पा कोकितकर यांनी केले. आभार प्रदर्शन अक्षय जाधव यांनी करून कार्यक्रमाची सांगता केली.