ऊर्से, ता. १६ : शैक्षणिक वर्ष २०२३-२४ सुरू झाले असून शाळेच्या पहिल्याच दिवशी जिल्हा परिषद प्राथमिक शाळा, मळवंडी ढोरे या ठिकाणी इयत्ता पहिली ते सातवीच्या सर्व विद्यार्थ्यांना पाठ्यपुस्तकांचे वाटप करण्यात आले. विद्यार्थ्यांना शालेय व्यवस्थापन समितीच्या वतीने खाऊ वाटप करून आनंदात स्वागत करण्यात आले.

तसेच शाळेमध्ये नवीन बदलून आलेले शिक्षक धीरजकुमार जानराव व सरोजा अंबुलगे यांचा व्यवस्थापन समितीच्या वतीने व ग्रामस्थांच्या वतीने सत्कार करण्यात आला. कार्यक्रमास व्यवस्थापन समितीचे अध्यक्ष पोपट ढोरे, गोरख ढोरे, मल्हारी ढोरे, संभाजी ढोरे, सारीका शिंदे उपस्थित होते. कार्यक्रमाचे नियोजन मुख्याध्यापक राजू भेगडे यांनी केले, तर आभार सोमलिंग रेवणशेट्टे यांनी मानले.