ऊर्से, ता. २४ : धामणे येथील सरपंच अविनाश मनोहर गराडे यांना नालंदा ऑर्गनायझेशन संस्थेच्या वतीने राज्यस्तरीय आदर्श सरपंच पुरस्कार नुकताच देण्यात आला. महाराष्ट्र राज्य ग्रामसमृद्धी सन्मान सोहळा नुकताच नवीपेठ पुणे येथील एस. एम. जोशी सभागृहात झाला.
राज्यस्तरीय आदर्श सरपंच पुरस्कार हा भारत सरकारचे निवृत्त कृषी सहसंचालक श्रीपाद खळीकर, एआर जे ग्रुप ऑफ इंडस्ट्रीजचे अध्यक्ष जितेंद्र दाते, लेखक विनोद वणवे यांच्या हस्ते देण्यात आला. सरपंच गराडे यांनी गावात सीसीटीव्ही बसवणे, रेनवॉटर हार्वेस्टिंग, ई टेंडर प्रक्रिया राबवणे, प्रधानमंत्री आवास योजनेसाठी जास्तीत जास्त लाभार्थ्यांना लाभ मिळवून देणे, शंभर टक्के बंदिस्त गटार योजना प्रभावी राबविणे, स्ट्रीट लाइट बसविणे, पाणंद रस्ते खुले करणे, महिला प्रशिक्षण, आरोग्य शिबिरे घेणे, मंदिरांचे सुशोभीकरण करणे, सवलतीच्या दरात पीठगिरणी व वॉटर फिल्टरचे वाटप करणे, कापडी बॅग वापरण्यासाठी प्रोत्साहित करणे व वाड्या वस्त्यासह गावातील रस्ते निर्माण करण्यासाठी मोठे योगदान आदी कामाची दखल घेत नालंदा ऑर्गनायझेशन संस्थेने राज्यस्तरीय पुरस्कारासाठी निवड केली होती.
कार्यक्रमास अविनाश धोडिंबा गराडे, नितीन मुऱ्हे, सचिन मुऱ्हे, सुनील गराडे, आत्माराम गराडे, मुरलीधर गराडे, संदीप गराडे, नंदकुमार गराडे, विकास गराडे, पांडुरंग गराडे, मनोज वाळुंज, रोहिदास गराडे, रवींद्र गराडे, अंजना अढाळगे, हनुमंत घोटकुले, महेश गराडे, अतुल गराडे, सुधीर गराडे, दिनेश शेडगे, योगेश टेमगिरे, आणा जाधव, प्रमोद गराडे, सूरज टिके, ज्ञानेश्वर गराडे आदी उपस्थित होते.

फोटो क्रमांक: BBD25B03306

पुणे : सरपंच अविनाश गराडे यांना राज्यस्तरीय आदर्श सरपंच पुरस्कार मिळाल्यानंतर सत्कार करताना गावातील सर्व ग्रामस्थ .
फोटो क्रमांक: BBD25B03307