ऊर्से, ता. २९ : सावित्रीबाई फुले महिला महाविद्यालयाच्या राष्ट्रीय सेवा योजनेअंतर्गत आयोजित हिवाळी विशेष श्रमसंस्कार शिबिराचे उद्‌घाटन शनिवारी (ता. २७) आढे येथे उत्साहात झाले. या वेळी मावळ शिक्षण प्रतिष्ठानचे सचिव यादवेंद्र खळदे, सहसचिव वसंत पवार, सरपंच सुनिता सुतार, सोमनाथ सुतार, पोलीस पाटील सुभाष ठाकर, प्रकाश शिंदे, रोहिदास धामणकर, उर्मिला सुतार आदी उपस्थित होते. कार्यक्रम अधिकारी डॉ. हेमंत मुजळगेकर यांनी प्रास्ताविक केले. सोमनाथ कसबे यांनी सूत्रसंचालन तर आभार माधुरी चंदनशिव यांनी मानले. या प्रसंगी श्रुतिका झोडगे, सुनिता पाटील, विकास गवळी, गौरव गायकवाड, अमित पवार, सुनील कारके आदी उपस्थित होते.