ऊर्से, ता.१ : जिल्हा परिषद प्राथमिक केंद्रशाळा बौर येथील ‘यशवंतराव चव्हाण कला व क्रीडा महोत्सव २०२५-२६’ अंतर्गत तालुकास्तरीय स्पर्धेत लोकनृत्य प्रकारात राजस्थानी गाण्यावर लहान गटातील मुलींनी प्रथम क्रमांक मिळविला.
तसेच राज्यस्तरीय आंतरशालेय नृत्यमल्हार स्पर्धेत मोठ्या गटाने तृतीय क्रमांक पटकावला. चौथीच्या विद्यार्थिनी भक्ती ठोंबरे व आराध्या वायभट यांना ‘बेस्ट डान्सर’चा सन्मान मिळाला. केंद्र, जिल्हा व राज्यस्तरीय प्रवासात बौर शाळेला तालुक्याच्या गटशिक्षणाधिकारी शिल्पा रोडगे, काले कॉलनी बिटचे विस्ताराधिकारी संदीप काळे, बौर केंद्राचे केंद्रप्रमुख शांताराम भागीत यांचे मार्गदर्शन लाभले. स्पर्धेसाठी शाळा व्यवस्थापन समिती, ग्रुप ग्रामपंचायत बौर, शाळेच्या मुख्याध्यापिका कल्पना देशमुख यांचे सहकार्य लाभले. रोहिणी हजारे, वनिता धोंगडे, सुवर्णा वाडीले, सुवर्णा साळुंखे, गौरव गायकवाड यांनी मार्गदर्शन केले. विद्यार्थ्यांच्या यशाबद्दल मुख्याध्यापक व शिक्षकांनी त्यांना शुभेच्छा दिल्या.