भोसरी, ता. १८ ः छत्रपती शिवाजी महाराज यांचे विश्वासू अंगरक्षक शिवरत्न वीर जिवाजी महाले यांच्या पुण्यतिथीनिमित्त भोसरीतील संत सेना महाराज मंदिरात त्यांच्या कार्याला उजाळा देण्यात आला.
कार्यक्रमाची सुरुवात शूरवीर जिवाजी महाले यांच्या प्रतिमा पूजनाने झाली. रणमर्द शिलेदार शस्त्र आणि शास्त्र जपणारी संघटनांच्या पदाधिकाऱ्यांनी शस्त्र पूजन केले. या वेळी व्याख्याते इंद्रजीत भोसले यांचे शिवरक्षक जिवाजी महाले यांच्या जीवनावर आधारित व्याख्यान झाले. विशाल वाळुंजकर यांनी विविध शासकीय योजनांची माहिती सांगितली. यावेळी महिलांनी हळदी-कुंकवाचा कार्यक्रमही आयोजित केला होता. नीलेश गायकवाड, नागेश भोपुलकर, भाऊसाहेब यादव, कुंडलिक काळे, अशोक पंडित, रमेश गांगुर्डे, हरिभाऊ शेळके, प्रमोद रसाळ आदी उपस्थित होते. कार्यक्रम यशस्वितेसाठी सोमनाथ शिंदे, मनोज विळस्कर, गणेश भोंडेकार, राहुल जगताप, भूषण सोनवणे, तेजस पंडित आदींनी परिश्रम घेतले. पुंडलिक सैंदाणे यांनी प्रास्ताविक केले. नितीन कुटे यांनी सूत्रसंचालन केले. श्री संत सेना महाराज मंदिराचे अध्यक्ष मुरलीधर रायकर यांनी आभार मानले.