भोसरी, ता. २३ : संत शिरोमणी श्री नामदेव महाराज यांच्या ६७५ वा संजीवन समाधी सोहळ्यानिमित्त भोसरीतील श्री संत नामदेव भक्त सेवा प्रतिष्ठानद्वारे विविध उपक्रमांचे आयोजन करण्यात आला.
यावेळी श्री विठ्ठल रुक्मिणी व श्री संत नामदेव महाराज यांच्या मूर्तींचा अभिषेक करण्यात आला. कळंब येथील कीर्तनकार सुरेखा शिंदे यांचे कीर्तन झाले. यावेळी दहावी व बारावीतील गुणवंत विद्यार्थ्यांचा सत्कार करण्यात आला. प्रतिष्ठानचे कार्याध्यक्ष सुधीर बकरे यांना समाजभूषण गौरव पुरस्कार देऊन सन्मानित करण्यात आले. उपस्थित भाविकांना महाप्रसादाचे वाटप करण्यात आले. पसायदानाने कार्यक्रमाची सांगता झाली. यावेळी शहरातील समाज बांधव मोठ्या संख्येने उपस्थित होते. कार्यक्रम यशस्वी करण्यासाठी प्रतिष्ठानचे कार्यकारिणी मंडळ, पदाधिकारी आणि सदस्यांनी परिश्रम घेतले.