भोसरी, ता. ७ ः विश्वरत्न डॉ. बाबासाहेब आंबेडकर यांच्या महापरिनिर्वाण दिनानिमित्त भोसरीतील दिघी रस्त्यावरील धम्म दूत मैत्री संघाचे बुद्धविहार आणि दिघीतील पंचशील बुद्ध विहारात व्याख्यान, भीमगीते, मोफत आरोग्य तपासणी शिबिर आदी उपक्रमातून अभिवादन करण्यात आले.
भोसरीतील दिघी रस्त्यावरील धम्म दूत मैत्री संघाच्या बुद्ध विहारात व्याख्याते एस. एल. वानखेडे यांचे ‘डॉ. बाबासाहेब आंबेडकर यांना अभिप्रेत असलेल्या उद्दिष्टपूर्तीसाठी कार्यकर्त्यांचे योगदान’ या विषयावर व्याख्यान झाले. कार्यक्रमाच्या अध्यक्षस्थानी पंकेश डोळस होते. या वेळी राजकुमार डोळस, शिलरत्न बाणे, गणेश खरात, रंजेश कुमार, भाऊराव गुडदे, अनिल पवार आदी उपस्थित होते. दीपाली तायडे, प्रीती रोकडे, दीपमाला वानखेडे, वैशाली साळवे, अरुण भारसाकळे, अॅड. विनोद काळे, रंजीत कुमार, गणैश खरात, दीपाली तायडे, प्रीती रोकडे, दीपमाला वानखेडे, वैशाली साळवे आदींनी डॉ. आंबेडकर यांच्या कार्याला उजाळा दिला. गायक प्रवीण गडलिंग यांनी भीमगीते सादर केली. कार्यक्रम यशस्वितेसाठी रुपेश पढघमोल, निरंजन वानखेडे, भाऊराव गुडदे, संतोष शेलार, सचिन मस्के, विशाल पवार, उमेश रोकडे आदींनी परिश्रम घेतले. सूत्रसंचालन राजू हिवराळे यांनी केले. तर, आभार अरुण गायकवाड यांनी मानले.

दिघीतील पंचशील बुद्ध विहारात प्रतिमेचे पूजन
दिघीतील भारतरत्न मित्रमंडळाच्या पंचशील बुद्ध विहारात हरी खरात, सुभाष भारती यांच्या हस्ते डॉ. आंबेडकर यांच्या प्रतिमेचे पूजन झाले. बुद्ध विहाराचे अध्यक्ष संदीप सोनवणे, लता गायकवाड, तनुजा कांबळे, उज्वला पट्टेबहादूर, प्रभाकर सरवदे आदींनी मनोगतातून अभिवादन केले. या वेळी आयोजित करण्यात आलेल्या मोफत आरोग्य तपासणी शिबिरात नागरिकांची रक्त, मधुमेह, नेत्र आदींची तपासणी करण्यात आली. कार्यक्रम यशस्वितेसाठी राजेंद्र गायकवाड, महेश वाघमारे, मिलिंद गायकवाड, तेजराव डोंगरे, रवी पोहरे आदींनी परिश्रम घेतले. सूत्रसंचालन समाधान कांबळे यांनी केले.
---