भोसरी, ता. ८ : एका सीमाभिंतीवरील तारेच्या वर्तुळाकार कुंपणात बिबट्या फिरतानाची चित्रफीत व्हायरल झाल्याने भोसरी आणि दिघीमधील नागरिकांमध्ये घबराट निर्माण झाली होती. अखेरीस ही अफवा असल्याचे स्पष्ट झाले.
ही चित्रफीत गेल्या चार दिवसांपासून फिरत आहे.
दिघीतील लष्करी अभियांत्रिकी महाविद्यालयाच्या (सीएमई) सीमाभिंतीवर सैनिकांनी बिबट्याला पाहिले असून ते ध्वनिवर्धकाद्वारे नागरिकांना सतर्क करीत असल्याचा दावा चित्रफितीत केला जात होता. त्यामुळे भीती निर्माण झाली होती. याबाबत दिघीतील सीएमई सीमा भिंतीच्या परिसरात राहणाऱ्या काही नागरिकांशी संपर्क साधला असता असे काही घडले नसल्याचे त्यांनी सांगितले.
चऱ्होलीमध्ये काही दिवसांपूर्वी बिबट्या दिसल्याने नागरिकांत घबराटीचे वातावरण निर्माण झाले होते. सध्या बिबट्याचा वावर असल्याच्या राज्यभरातून येत आहेत. त्यामुळे नागरिक घाबरले होते.
-----