चऱ्होली ः चऱ्होली फाटा ते दाभाडे सरकार चौक आणि पुढे इंद्रायणी नदीवरील पुलापर्यंतचा रस्ता सध्या मोठमोठ्या खड्ड्यांमुळे धोकादायक झाला आहे. या मार्गावरून दररोज शालेय विद्यार्थी, नोकरदार वर्ग आणि स्थानिक नागरिक ये-जा करतात. खड्ड्यांमुळे वाहतुकीचा वेग मंदावला असून अपघातांचे प्रमाणही वाढले आहे. कामावर उशीर होण्याबरोबरच नागरिकांच्या सुरक्षेचा प्रश्न उभा ठाकला आहे.

पावसाळा सुरू झाला तरीही प्रशासनाकडून कोणत्याच गोष्टींची दखल घेतली जात नाही. खड्ड्यांमुळे वाहने अचानक थांबतात आणि अपघात होण्याचे प्रमाण वाढत चालले असून खड्डे लवकरात लवकर बुजविले पाहिजेत.
- विजय गायकवाड, नागरिक, चऱ्होली