चिंचवड, ता.१६ ः तानाजीनगर येथे श्री गजानन महाराज सत्संग मंदिर आणि पीएसआय रक्तपेढी, पिंपरी यांच्या तर्फे आयोजित रक्तदान शिबिरात एकूण १०० रक्तदात्यांनी रक्तदान करून आपले सामाजिक उत्तरदायित्व पार पाडले. यावेळी गरजू रुग्णांची आरोग्य तपासणीही करण्यात आली.
या शिबिराचे उद्‍घाटन डॉ. विजय सातव आणि एसकेएफ कंपनी युनियनचे सरचिटणीस साजिद पठाण यांच्या हस्ते झाले. मंदिराचे विश्वस्त किशोर कदम, प्रताप भगत, दत्तात्रेय सावकार, सुहास जोशी हे उपस्थित होते. आरोग्य तपासणी शिबिराचा एकूण २२३ भक्तांनी लाभ घेतला. या तपासणीमध्ये विविध आरोग्य विषयक चाचण्या करण्यात आल्या आणि योग्य मार्गदर्शनही देण्यात आले.