चिंचवड, ता.१८ : गुरव समाज संस्थेच्या वतीने चैतन्य सभागृह चिंचवड येथे राज्यस्तरीय वधू-वर परिचय मेळावा आयोजित करण्यात आला.
यात पुणे, सातारा, सांगली, सोलापूर, जळगाव, अमरावती, नाशिक आणि मुंबई-कोकण प्रांतातील सुमारे २०० उपवधू, उपवर तसेच त्यांचे पालक उपस्थित होते.
संस्थेचे अध्यक्ष गणपतराव मोकाते, कार्याध्यक्ष अण्णासाहेब गुरव, वधूवर मंडळाचे अध्यक्ष धैर्यशील दगडे यांनी स्वागत व प्रास्ताविक केले. या प्रसंगी प्रमुख पाहुणे म्हणून पोलीस निरीक्षक वैभव गुरव, सामाजिक कार्यकर्त्या शोभाताई कोराटे, नगरसेवक शीतल उर्फ विजय शिंदे, उद्योजक गणेश फुलारी आणि प्रा. माधुरी गुरव उपस्थित होते. प्रमुख पाहुण्यांनी आपल्या भाषणांमधून विवाहसंस्थेचे बदलते स्वरूप आणि तरुण पिढीच्या अपेक्षांबाबत विचार मांडले. ‘अनुरूप जोडीदार हा फक्त समान व्यवसाय किंवा आर्थिक स्थितीवर नव्हे, तर परस्पर समजुतीवर ठरावा,’ असा सल्ला प्रा. गुरव यांनी दिला. कार्यक्रमाच्या आयोजनाबद्दल प्रकाश गुरव, सुदाम गुरव, सदाशिव गुरव, रमेश गुरव, सीमा शिंदे, राजीव शेंडे, वैशाली भदे, गणेश फुलारी यांनी आयोजक तसेच उपस्थितांचे आभार मानले.