चिंचवड, ता.१३ ः चिंचवडमधील आनंदी मैत्री प्रतिष्ठानच्यावतीने सामाजिक बांधिलकीतून ताम्हिणी आणि माले गावांतील जिल्हा परिषदेच्या प्राथमिक शाळांना शालोपयोगी साहित्यांचे वाटप करण्यात आले.
ताम्हिणीतील विंझाई देवी येथील शाळेला लहान मुलांच्या बसण्यासाठी एकूण ३० नवीन बाके देण्यात आली. तर मालेगावातील शाळेला ध्वनिक्षेपक यंत्रणा, जेवणासाठी ३ टेबले, २ पंखे, शालेय साहित्य आणि १० कुंड्या देण्यात आल्या. संस्थेचे अध्यक्ष गणेश लुंकड, योगिता लुंकड, विकास पाटील, दशरथ साठे, रोहित तांदूळवाडकर, सूरज सोळंकी आदी पदाधिकारी उपस्थित होते. विंझाई देवीमधील आदिवासी कुटुंबातील विद्यार्थिनी नेहा मारकड हिच्यासाठी शाळेचे शुल्क आणि प्रवास खर्च अशी एकूण ६ हजार ५०० रुपयांची मदत शाळेकडे सुपूर्त करण्यात आली.