चिंचवड, ता. २७ : निमा (नॅशनल मेडिकल इंटिग्रेटेड मेडिकल असोसिएशन) पिंपरी-चिंचवड शाखेतर्फे जागतिक योग दिन साजरा करण्यात आला. या कार्यक्रमाचे आयोजन निमा कार्यालय,केएसबी चौक येथे करण्यात आले.
कार्यक्रमात पतंजली योग समितीचे योगशिक्षक डॉ एन. डी. होले यांनी योगासने व प्राणायामाचे प्रात्यक्षिक दाखवत योगाचा आरोग्यावर होणारा सकारात्मक प्रभाव विशद केला. कार्यक्रमानंतर आषाढी वारीसाठी ‘निमा’तर्फे पाठविण्यात येणाऱ्या आरोग्य तपासणी ॲम्बुलन्सचे पूजन करण्यात आले. त्यानंतर हे वाहन वारीच्या दिशेने रवाना करण्यात आली.
या वेळी ‘निमा’ अध्यक्ष डॉ. प्रताप सोमवंशी, सचिव डॉ. रमेश केदार, कोषाध्यक्ष डॉ. सुनील, डॉ. सत्यजित पाटील, डॉ. संजीव शंभूश, डॉ. हेमा चंद्रशेखर, डॉ. मयुरी मोरे, डॉ. माधुरी खानजोडे, डॉ. अर्चना गोरे, डॉ. वैभव लाडे, डॉ. डी. बी. कोकाटे, डॉ. प्रसाद काटे, डॉ. लता जानुगडे, डॉ. महेश पाटील, डॉ. जमीन पठाण, डॉ. स्वाती भालेराव, डॉ. स्मिता जाधवर आदी मोठ्या संख्येने उपस्थित होते.