चिंचवड, ता. १ ः प्रेमलोक पार्क येथील ज्येष्ठ नागरिक संघाची मासिक सभा उत्साहात पार पडली. त्यामध्ये वृद्धापकाळात उद्‍भवणाऱ्या मूत्रपिंड आणि प्रोस्टेट समस्यांवर डॉ. स्वाती माने यांनी आरोग्य मार्गदर्शन सत्र घेतले. तसेच गुणवंत विद्यार्थ्यांचा सत्कार करण्यात आला.
सभेच्या अध्यक्षस्थानी संघाचे अध्यक्ष उत्तमराव चवरे होते. सचिव अशोक काटकर, दिलीप कांबळी, मीता चौगुले यांनी नियोजन केले. यावेळी कुंडमळा अपघातातील व्यक्तींना तसेच दिवंगत सभासद विलास वाडेकर यांना श्रद्धांजली वाहण्यात आली. उपाध्यक्ष नाना जोगळेकर, हिंदुराव जाधव, लक्ष्मणराव शिंदे, रमेश रोडा, माधवी नवांगुळ, सल्लागार पळसनकर यांचे सहकार्य लाभले. दत्तात्रय सुपेकर यांनी सूत्रसंचालन केले.