चिंचवड, ता. ४ : आषाढी एकादशीनिमित्त ‘अबीर गुलाल उधळीत रंग’ हा भक्तिगीतांचा रविवारी (ता.६) आयोजित करण्यात आला आहे. चिंचवडमधील ऑडिटोरियम एलप्रो मॉल येथे सायंकाळी ७.३० वाजता कार्यक्रमाचे सुरुवात होणार आहे. ‘कर्तव्य फाउंडेशन’ आणि ‘भारत माता सत्संग मंडळ’ यांच्या वतीने याचे आयोजन करण्यात आले आहे.
कार्यक्रमात गायक पं. कृष्णेंद्र वाडीकर (हुबळी) यांचे सादरीकरण होणार असून, त्यांना हार्मोनियमवर उमेश पुरोहित, ऑर्गनवर हर्षल काटदरे, तबलावर रोहन शेटे, पखवाज माऊली फाटक, मंजिरी कळमकर आणि निरूपण विद्या देसाई हे साथसंगत करणार आहेत. कार्यक्रम सर्वांसाठी विनामूल्य आहे. नागरिकांनी मोठ्या संख्येने उपस्थित राहावे, असे आवाहन आयोजकांनी केले आहे.