चिंचवड, ता. १८ : गुरूपौर्णिमेनिमित्त स्वरतरंग संस्थेतर्फे सांगीतिक गुरूदक्षिणा अर्पण करण्यात आली. विद्यार्थ्यांनी गायन, बासरी, हार्मोनियम, तबला अशा विविध कला सादर करत गुरू विश्वनाथ झावरे यांचा गौरव केला.
या कार्यक्रमास महावितरण समिती सदस्य व वुई टुगेदर फाउंडेशनचे अध्यक्ष मधुकर बच्चे, आदर्श शिक्षिका मंगला डोळे-सपकाळे प्रमुख पाहुणे म्हणून उपस्थित होते. मंगला डोळे यांनी गुरू-शिष्य नात्याचे महत्त्व मांडले. कार्यक्रमाचे सूत्रसंचालन स्मिता राणे यांनी केले. विद्यार्थ्यांचे सादरीकरण, पालकांचा सहभाग व रसिकांची उपस्थिती यामुळे कार्यक्रम संस्मरणीय ठरला.