चिंचवड : ‘ईपीएस-९५’ राष्ट्रीय संघर्ष समितीतर्फे पेन्शनधारकांचा मेळावा रविवारी (ता.२०) आयोजित करण्यात आला. यावेळी राज्याच्या कानाकोपऱ्यातून पेन्शनर्स मोठ्या संख्येने उपस्थित होते.
वाल्हेकरवाडी येथे झालेल्या मेळाव्यात संघटनेचे राष्ट्रीय अध्यक्ष कमांडर अशोक राऊत यांनी मार्गदर्शन करत ‘ईपीएस-९५’ पेन्शनर्सच्या हक्कांसाठी सुरू असलेल्या संघर्षाबाबत सविस्तर माहिती दिली. या वेळी मावळ लोकसभा खासदार श्रीरंग बारणे, माजी विरोधी पक्षनेते विठ्ठल उर्फ नाना काटे, प्रशांत शितोळे, शिक्षण मंडळाचे माजी सभापती नाना शिवले, तात्या आहेर, माजी नगरसेवक राजेंद्र साळुंके, प्रेरणा सहकारी बँकेचे अध्यक्ष गुजर तसेच संघटनेचे वरिष्ठ पदाधिकारी उपस्थित होते. कार्यक्रमाचे प्रास्ताविक तानाजी काळभोर, स्वागत मच्छिंद्र दरवडे, तर आभार अलका मोरे यांनी मानले. या मेळाव्यामुळे ‘ईपीएस-९५’च्या लढ्याला नवी ऊर्जा मिळाल्याचे मत पदाधिकाऱ्यांनी व्यक्त केले.