चिंचवड, ता.१७ : भोईरनगर येथील जयवंत प्राथमिक व माध्यमिक विद्यालयात ७९ वा स्वातंत्र्यदिन मोठ्या उत्साहात साजरा करण्यात आला. संस्थेचे अध्यक्ष भाऊसाहेब भोईर, प्रमुख पाहुणे माजी सैनिक अरुणकुमार सिंग, लोककलावंत आसारामजी कसबे यांच्या हस्ते ध्वजवंदन करण्यात आले.
इंदिरानगर, प्रेमलोक पार्क, दळवीनगर व भोईरनगर या परिसरातून प्रभात फेरी काढण्यात आली. विद्यार्थ्यांनी कवायती सादर करून सर्वांची मने जिंकली. धनराज गुटाळ, जयश्री मोरे यांनी नियोजन केले. मुख्याध्यापक अजय राऊत यांनी प्रास्ताविक केले; मुख्याध्यापिका वंदना सावंत यांनी आभार मानले.