चिंचवड, ता. २६ : चिंचवड गावातील मंगलमूर्ती वाडा येथे ऋषिपंचमीनिमित्त सामुदायिक अथर्वशीर्ष पठण सोहळा गुरुवारी (ता.२८) होत आहे. चिंचवड देवस्थान ट्रस्ट, स्वातंत्र्यवीर सावरकर मंडळ व संस्कृती संवर्धन तसेच विकास महासंघाने याचे आयोजन केले आहे.
कार्यक्रमाची सुरुवात सकाळी सात वाजता गायत्री गणेश यागाने होईल. त्यानंतर गणपती अथर्वशीर्षाची २१ आवर्तने करण्यात येणार आहेत. या सांघिक पठणातून होणाऱ्या सकारात्मक ऊर्जेचा लाभ घ्यावा, असे आवाहन ट्रस्टचे डॉ. अजित जगताप यांनी केले आहे. यात सहभागी होण्यासाठी भाविकांनी मंगल वेषात येण्याचे आवाहन आयोजकांनी केले आहे.