चिंचवड, ता.१० ः जागतिक फिजिओथेरपी दिनानिमित्त वाल्हेकरवाडी येथील (ता.८) मोनी बाबा वृद्धाश्रमात डॉ. तनप्रीत कौर मेहता यांच्या मार्गदर्शनाखाली विशेष शिबिर घेण्यात आले. यावेळी ज्येष्ठांना व्यायामाचे महत्त्व, योग्य आहार, संतुलन व हालचालींबाबत मार्गदर्शन करण्यात आले.
वृद्धत्व म्हणजे शेवट नव्हे; तर जीवनाचा नवा अध्याय आहे. या टप्प्यात स्वावलंबन, समाधान आणि आत्मविश्वास यांना नवे बळ मिळू शकते. फिजिओथेरपीमुळे हालचालींमध्ये सुलभता, वेदना व स्नायू यांची हालचाल होते, उठणे-बसणे सोपे होते. योगा, ब्रेन-जिम, स्मरणशक्ती वाढवणारे सराव, म्युझिक थेरपी व लाफ्टर थेरपी यांचा मोठा लाभ ज्येष्ठांना होतो, असे शिबिरात सांगण्यात आले.