चिंचवड, ता.२१ ः आनंदी मैत्री प्रतिष्ठानच्या वतीने खेडमधील निमगाव खंडोबाचे येथील आनंदग्राम ट्रस्ट गुरुकुल येथे जीवनावश्यक वस्तूंचे वाटप करण्यात आले.
गुरुकुलाने काही दिवसांपूर्वी प्रतिष्ठानशी संपर्क साधून धान्य व इतर वस्तूंची गरज व्यक्त केली होती. त्यानुसार प्रतिष्ठानने स्वतः तसेच समाजातून वस्तू जमा करून येथील मुलांना सुपूर्द केल्या. यावेळी प्रतिष्ठानचे अध्यक्ष गणेश लुंकड, खजिनदार विकास पाटील, दशरथ साठे, रोहिणी साठे आदी उपस्थित होते.