चिंचवड, ता. ७ ः रस्टन कॉलनी सार्वजनिक मित्र मंडळातर्फे चिंचवड येथे नवरात्रोत्सवानिमित्त धार्मिकतेबरोबरच सामाजिक भान जपणारे विविध उपक्रम राबविण्यात आले. लहान मुलांसाठी हस्ताक्षर, रांगोळी आणि निबंध स्पर्धांचे आयोजन करण्यात आले. तसेच गुणवंत विद्यार्थ्यांचा सन्मान करण्यात आला. सुमारे ४० निराधार बालकांना रोज भोजन देण्यात आले.यावेळी पिंपरी चिंचवडचे वाहतूक पोलिस उपायुक्त विवेक पाटील यांनी विशेष उपस्थिती लावली. कोजागरी पौर्णिमेला महाप्रसादाचे आयोजन करून उत्सवाची सांगता करण्यात आली. मंडळाचे सुभाष मालुसरे, मयूर जयस्वाल, अश्र्विन मायनाळे, रवी जयस्वाल, गणेश कानेटकर, गणेश यादव, ऋषी प्रभू, मुकेश गुजराथी, मोहन वायकुळे, महेश जाधव, महादेव सुतार यांनी कार्यक्रमाचे यशस्वी नियोजन केले.