चिंचवड : ता. १४ : श्री गुरू तेग बहादूर साहिबजी यांच्या ३५० व्या शहिदी वर्षानिमित्त मुंबई व नागपूर येथे महाराष्ट्र शासनाच्या सहकार्याने शहिदी समागम कार्यक्रम आयोजित करण्यात आले. त्याच धर्तीवर पिंपरी चिंचवड महानगरपालिका(पीसीएमसी), पुणे येथेही शासकीय सहकार्याने कार्यक्रम घ्यावेत, अशी मागणी नानक-साई सेवा ट्रस्ट, यांच्या वतीने करण्यात आली आहे.

या संदर्भात ट्रस्टच्या वतीने मुख्यमंत्र्यांना पत्र देण्यात आले आहे. पिंपरी चिंचवड शहराचा परिसर ‘मिनी इंडिया’ म्हणून ओळखला जातो. विविध धर्म, भाषा व संस्कृतींचा संगम असलेल्या या भागात शहिदी समागमाचे आयोजन झाल्यास मानवता, संविधानिक मूल्ये आणि सर्वधर्म समभावाचा संदेश व्यापक स्तरावर पोहोचेल, असा विश्वास नानक-साई सेवा ट्रस्टचे अध्यक्ष कमलजित सिंग मेहता यांनी व्यक्त केला आहे.