चिंचवड, ता.२६ ः चिंचवड येथील श्री गजानन महाराज मंदिरात श्रीराम नवमीनिमित्त भगवान श्रीरामांच्या जन्मोत्सवाचा कार्यक्रम भक्तिभावाने पार पडला. सकाळपासूनच मंदिर परिसरात भाविकांची गर्दी झाली होती.
उत्सवानिमित्त विशेष पूजा, अभिषेक, रामरक्षा पठण तसेच भजन-कीर्तनाचे झाले. वंदना कापरे यांनी सकाळी श्रीराम जन्मावरील कीर्तन केले. दुपारी श्रीराम जन्मसोहळा पार पडला.‘जय श्रीराम’च्या घोषणांनी संपूर्ण परिसर दुमदुमून गेला.
मंदिरात आकर्षक फुलांची सजावट करण्यात आली होती. पारंपरिक पाळणा सोहळाही उत्साहात झाला. उपस्थित भाविकांना प्रसादाचे वाटप करण्यात आले. कार्यक्रमाचे नियोजन मंदिर विश्वस्त मंडळ व स्थानिक पदाधिकाऱ्यांनी केले.