चिंचवड, ता. १८ ः श्रीधरनगर परिसरात सकल हिंदू समाजाच्या वतीने ‘विराट हिंदू संमेलन’ पार पडले.
संमेलनात प्रमुख वक्ते म्हणून राष्ट्रीय स्वयंसेवक संघाचे महाराष्ट्र प्रांत प्रचार प्रमुख अतुल अग्निहोत्री यांनी धर्म, संस्कृती, संघटन आणि राष्ट्रभक्ती या चतुःसूत्रीवर मार्गदर्शन केले. प्रवचनकार डॉ. उदय पाटकर यांनी उपस्थितांना प्रेरित केले. ऐश्वर्या बाबर यांनी पंचसूत्री प्रस्तावना सादर केली. अध्यक्षस्थानी राजू शिवतरे होते.
या प्रसंगी कलाश्री नृत्यशाळा व कलावर्धिनी डान्स कंपनीच्या कलाकारांनी ‘पंच परिवर्तन’ या विषयावर आधारित भरतनाट्यम सादर केले.
या संमेलनासाठी श्रीधरनगर, माणिक कॉलनी, विजयनगर, देवधर सोसायटी, चंद्रभागा कॉलनी आदी भागातील नागरिक सहकार्य केले. नगरसेवक शीतल (विजय) शिंदे यांच्या पुढाकाराने नियोजन झाले.