देहू, ता.१० : आषाढी वारीसाठी संत तुकाराम महाराज पालखी सोहळा अवघ्या १८ दिवसांवर आला आहे. मात्र, देहू ते देहूरोड या पालखी मार्गावर परंडवाल चौक येथे रस्त्यावर खड्डे पडले आहे. त्यामुळे रस्त्यावर पावसाचे पाणी साचले आहे. पालखी सोहळ्यापूर्वी रस्त्याची दुरुस्ती करावी, अशी मागणी ग्रामस्थांनी केली आहे.
या पालखी मार्गावर माळवाडी, चिंचोली येथे पावसाचे पाणी साठलेले आहे. त्यामुळे, रस्त्यांच्या कडेला डबके साचलेले आहे. वाहन चालक, पादचारी यांना त्याचा त्रास सहन करावा लागत आहे.