देहू, ता.२६ : देहू नगरपंचायतीच्या वतीने पर्यावरण पूरक शाडूच्या मातीचे गणपती बनवण्याची स्पर्धा पार पडली. एकूण ४८ विद्यार्थ्यांनी स्पर्धेत सहभाग घेतला. त्यात प्रथम तीन व उत्तेजनार्थ दोन असे एकूण पाच क्रमांक काढण्यात आले. स्पर्धेतील सर्व सहभागी विद्यार्थ्यांना नगरपंचायत कडून सहभाग प्रमाणपत्र देण्यात आले. यावेळी मुख्याधिकारी चेतन कोंडे, नगराध्यक्षा पूजा दिवटे, सदस्या स्मिता चव्हाण व पर्यवेक्षक म्हणून विश्वकर्मा चव्हाण, विनोद विरनक, रमेश खरबडे तसेच सचिन साळुंखे उपस्थित होते.