देहू, ता. ३ : पिंपरी चिंचवड अपर तहसीलदार कार्यालयाकडून छत्रपती शिवाजी महाराज महाराजस्व समाधान शिबिर अभियान सात मार्च ते १५ मेदरम्यान विविध ठिकाणी राबविण्यात येणार आहे. याबाबतची माहिती अपर तहसीलदार जयराज देशमुख यांनी दिली.

या अभियानात नागरिकांना विविध दाखले वाटप करण्यात येणार आहेत. तसेच सात-बारा उताऱ्यावरील प्रलंबित फेरफार निकाली काढणे, सात-बारा उताऱ्यावरील चुकांसंदर्भात अर्ज स्वीकारणे, डिजिटल सात-बारा व फेरफार वाटप करणे, शेतकरी ओळखपत्र मिळाले नसेल तर त्याची नोंद करणे, सुधारित तुकडे बंद दस्ताची तरतुदीनुसार नोंद करणे, नवीन अकृषक सुधारण्याची जनजागृती करणे, जातीचे दाखले, नॉन क्रिमीलेअर प्रमाणपत्राचे अर्ज स्वीकारणे व इतर कामे केली जाणार आहेत.

अभियानाचे ठिकाण आणि दिवस
कोकण मराठा संघ सभागृह, दिघी - ७ मार्च
खंडोबा मंदिर, आकुर्डी - १४ मार्च
विमल गार्डन कार्यालय रहाटणी - १४ एप्रिल
चंद्रभागा लॉन्स, राजे शिवाजीनगर -१४ एप्रिल
देहू नगरपंचायत कार्यालय - ८ मे
श्री नागेश्वर मंदिर - १५ मे