इंदोरी, ता. ३ ः महाराष्ट्र कृषी दिनानिमित्त जांबवडे (मावळ) ग्रामपंचायतीच्या वतीने ५०० देशी वृक्षरोपांचे सुमारे ५५ कुटुंबांना वाटप करण्यात आले. वड, पिंपळ, चिंच, जांभूळ, आवळा, कडुनिंब इत्यादी देशी वृक्षरोपांचे लागवड व संगोपनासाठी वाटप करण्यात आले. सदर कुटुंबांनी घराच्या परिसरात अथवा शेताच्या बांधावर वृक्षारोपण करावे व संगोपन करावे, असे आवाहन सरपंच तानाजी नाटक यांनी ग्रामस्थांना केले. एक वर्षानंतर प्रत्यक्ष वृक्षारोपणस्थळी परिक्षण समिती येऊन पाहणी करील. आवश्यक त्या सूचना दिल्या जातील व पुन्हा तीन वर्षांनंतर परिक्षण करून स्पर्धेतील विजेत्यांना बक्षिसाचे वाटप समारंभपूर्वक करण्यात येईल, असे उपसरपंच सागर नाटक यांनी स्पष्ट केले. वृक्षरोपांचे वाटप सरपंच, उपसरपंच, सदस्य पल्लवी नाटक, नंदा भोसले, पूनम नाटक व ज्येष्ठ ग्रामस्थ काशिनाथ भांगरे, सचिन नाटक, रोहिदास वाळूंज, अभिजित नाटक, सनी नाटक, मंगेश नाटक, दत्तात्रेय घोजगे यांच्या हस्ते करण्यात आले.