इंदोरी, ता. ११ ः प्रगती विद्यालय व आनंदराव काशीद-पाटील उच्च माध्यमिक विद्यालयातील पूर्व माध्यमिक शिष्यवृत्ती (आठवी स्कॉलरशीप) परिक्षेत सहा विद्यार्थी उत्तीर्ण झाले असून, पैकी दोन विद्यार्थी गुणवत्ता यादीत आले असल्याने ते शिष्यवृत्तीस पात्र ठरले आहेत. शुभम कामनवार (ग्रामीण सर्वसाधारण) २२६ गुण व चिन्मय सांगळे (ग्रामीण अनुसूचित जाती) गुण १७४ हे दोन विद्यार्थी शिष्यवृत्तीस पात्र ठरले आहेत. तर, आदिनाथ ढोरे (गुण १७४), जान्हवी नरवडे (गुण १७४), सोहम शिंदे (गुण १६८) व अनुष्का आंधळे (गुण १२६) हे विद्यार्थी उत्तीर्ण झाले आहेत. रुपेश शिंदे, ज्योती पिंजण व अरविंद नाईकरे या शिक्षकांनी परीक्षार्थींना मार्गदर्शन केले. तर प्रदीप ढोंगे, सुमती शिंदे व शैला गायकवाड यांनी सहकार्य केले.
विद्यालयाच्या वतीने यशस्वी विद्यार्थी व मार्गदर्शक शिक्षकवृंदांचा सत्कार करून अभिनंदन करण्यात आले. कार्यक्रमाच्या अध्यक्षस्थानी शालेय समितीचे अध्यक्ष दामोदर शिंदे होते. यावेळी मावळचे माजी सभापती विठ्ठल शिंदे, जि. प. सदस्य प्रशांत ढोरे, मावळ कृषी बाजार समितीचे संचालक दिलीप ढोरे व संत तुकाराम
साखर कारखान्याचे संचालक संदीप काशीद, प्राचार्य रेवाप्पा शितोळे व पर्यवेक्षिका कमल ढमढेरे यांनी अभिनंदनपर मनोगत व्यक्त केले.

PNE25V30432, PNE25V30434