इंदोरी, ता. १७ : ज्ञानराज शिक्षण प्रसारक मंडळ संचलित राजेविडी दिवड (मावळ) येथील श्री संत ज्ञानेश्वर माध्यमिक विद्यालयात दोन वर्गखोल्या व स्वच्छतागृहे बांधली जात आहेत. त्याचे भूमिपूजन संस्थेचे अध्यक्ष ज्ञानेश्वर दळवी व हिंजवडी येथील नॉर ब्रेम्स कंपनीच्या स्नेहल यादव यांचे हस्ते करण्यात आले. अध्यक्षस्थानी सरपंच गणेश राजिवडे होते.
मावळचे माजी आमदार कै. दिगंबर भेगडे यांनी स्थापन केलेल्या या संस्थेच्या शैक्षणिक प्रगतीचे यादव यांनी कौतुक केले. नियोजित बांधकामामुळे वर्गखोल्यांची कमतरता दूर होईल, असे सांगून कंपनीतर्फे विद्यालयात लवकरच पाणी शुद्धीकरण प्रकल्प आणि शैक्षणिक साहित्य प्रदान करण्यात येईल, असे सांगितले.
याप्रसंगी संस्थेचे संचालक उद्धव शेलार, मनोहर भेगडे, राजू मुऱ्हे, रघुनाथ चोरघे, रावसाहेब चव्हाण, नामदेव भजबळकर, दादासाहेब घारे, लहू सावळे, किसन सावळे, देविदास सावळे उपस्थित होते. प्रास्ताविक व स्वागत मुख्याध्यापक शशिकांत जाधव यांनी, आभार मनोहर भेगडे यांनी मानले.

PNE25V32129