इंदोरी, ता. ४ ः महसूल सप्ताह कार्यक्रमांतर्गत इंदोरी-सांगुर्डी रस्त्यावर कान्हेवाडी फाटा ते सांगुर्डी शिवपर्यंत दुतर्फा शंभर देशी झाडांचे वृक्षारोपण करण्यात आले. वड, पिंपळ, कडूलिंब, करंज, बदाम व शमी या देशी झाडांचे वृक्षारोपण करण्यात आले. संगोपनाची जबाबदारी इंदोरी ग्रामपंचायतीने घेतली आहे.
इंदोरी ग्रामस्थ, तोलानी शिक्षण संस्था, कॅडबरी इंडिया कंपनी व साई रोझ नर्सरी यांच्या सहकार्याने वृक्षारोपण करण्यात आले. मावळचे तहसीलदार विक्रम देशमुख, नायब तहसीलदार अमोल पाटील, मंडल अधिकारी लिंबराज सलगर, माजी सभापती विठ्ठल शिंदे, माजी जि. प. सदस्य प्रशांत ढोरे यांच्या हस्ते वृक्षारोपण कार्यक्रम पार पडला. याप्रसंगी सरपंच शशिकांत शिंदे, उपसरपंच बेबीताई बैकर, सर्व ग्रा. पं. सदस्य, उद्योजक प्रशांत भागवत, दिलीप ढोरे, जगन्नाथ शेवकर, कॅडबरी कामगार नेते विनोद भागवत आदी उपस्थित होते. प्रास्ताविक व स्वागत संत तुकाराम साखर कारखान्याचे संचालक संदीप काशिद यांनी केले. सूत्रसंचालन संदीप नाटक व दिनेश चव्हाण यांनी केले. नियोजन अरुण हुलगे, नीलेश शिंदे यांनी केले. आभार महसूल अधिकारी सचिन जाधव यांनी मानले.
---
PNE25V37134