इंदोरी, ता. १४ : वराळे येथील भैरवनाथ विद्यालयातील विद्यार्थ्यांसाठी विविध खेळांची क्रीडांगणे वेकर्स हुग्ज ग्लोबल कंपनी आणि रोटरी क्लब ऑफ निगडी यांच्या संयुक्त सहकार्यातून उभारली जात आहेत. संस्थेचे सचिव यादवेंद्र खळदे व माजी सरपंच विश्वनाथ मराठे यांच्या प्रयत्नातून या कामासाठी आवश्यक मदत करण्यात आली.
क्रीडांगणाच्या कामाचा प्रारंभ कंपनीचे संचालक सेव्हेरिओ आणि रोटरी क्लब निगडीचे अध्यक्ष अमोल जाधव यांच्या उपस्थितीत झाला. कार्यक्रमाच्या अध्यक्षस्थानी विद्यालयाच्या मुख्याध्यापिका ललिता कांबळे होत्या. मैदानाचे सपाटीकरण करून कबड्डी, खो-खो, हॉलीबॉल, बास्केटबॉल, रनिंग ट्रॅक, लांब उडी आदी खेळांसाठी स्वतंत्र क्रीडांगणे तयार केली जाणार आहेत. कार्यक्रमाला अमित सुपनेकर, समाधान सांगळे, स्वप्नील पाटील, राहुल मेदगे, प्रदीप सांगवत, सोमनाथ मातेरे, नागनाथ अलबते यांच्यासह ग्रामस्थ उपस्थित होते. प्रास्ताविक वर्षाराणी दगडे यांनी केले. सूत्रसंचालन किसन पाटील व रोहिणी जंजिरे यांनी केले. नियोजन बाळासाहेब गाढवे, हर्षदा अहिरे, राकेश बोरले यांनी केले. आभार अभिजित चौधरी यांनी मानले.

वराळे ः येथील भैरवनाथ विद्यालयातील क्रीडांगण कामाच्या प्रारंभ प्रसंगी मान्यवर.