इंदोरी, ता.१७ ः अधिक मासानिमित्त इंदोरी श्रीक्षेत्र भंडारा डोंगर दिंडी समितीच्या वतीने १७ ते २३ मे दरम्यान अखंड हरिनाम सप्ताह व गाथा पारायण सोहळ्याचे आयोजन केले आहे.
पंढरपूर येथील भंडारा डोंगर दिंडी समाज धर्मशाळेत सप्ताह सोहळ्याचा प्रारंभ रवींद्र महाराज ढोरे, रमेश महाराज गायकवाड, शिवाजीराव पवार व पंडितराव भसे यांच्या उपस्थितीत झाला. पहाटे काकडा आरती, सकाळी व दुपारी गाथा पारायण, भोजनव विश्रांती, सायंकाळी हरिपाठ, कीर्तनसेवा, रात्री हरिजागर असे कार्यक्रम होणार आहेत. गाथा पारायण व्यासपीठाचे नेतृत्व सुदाम महाराज भोसले करणार आहेत. रमेश महाराज शेवकर, गजानन महाराज
कराळे, ईश्वर महाराज ढोरे, उद्धव महाराज आटाळेकर आदींची किर्तनसेवा होणार आहे. सुदाम महाराज यांचे काल्याचे कीर्तन होणार आहे. भोजन व्यवस्था मधुकर ढोरे पाटील, निवृत्ती ढोरे तसेच लोहगाव ग्रामस्थ, भैरवनाथ भजनी मंडळ व साईदत्त भजनी मंडळ यांच्या वतीने करण्यात आली आहे.