जाधववाडी, ता.१ ः चिखली येथील नागेश्वर विद्यालयाच्या भागशाळेत मंगळवारी (ता.३०) भोंडल्याचे आयोजन करण्यात आले. प्राचार्य सानप यांचे मार्गदर्शनाखाली कार्यक्रम आयोजित करण्यात आला.
चित्रकला शिक्षक विश्वकर्मा चव्हाण यांनी फलकावर हत्तीचे सुंदर चित्र रेखाटले. शाळेच्या प्रशस्त क्रीडांगणावर मध्यभागी हत्तीच्या प्रतिमेचे पर्यवेक्षिका श्यामला पंडित यांनी हार फुले वाहून पूजन केले. विद्यार्थ्यांनी फेर धरून टिपरीच्या तालावर भोंडला गीते सादर केली. अध्यापिका सुषमा शेवाळे, ज्योती घरबुडे, वृंदा क्षीरसागर, कविता बुरूड,
वर्षा पाटील, दीपाली काळे, मनिषा सांडभोर, अध्यापक दिनेश बोरचटे, पवन खराडे, आबा वारघडे यांनी कार्यक्रम संयोजन केले. भोंडल्यानंतर सर्व विद्यार्थ्यांना खिरापत वाटण्यात आली.