जाधववाडी, ता.१६ ः इयत्ता चौथी आणि सातवीच्या शिष्यवृत्ती परीक्षेत परीक्षेत जाधववाडी येथील पिंपरी चिंचवड महानगरपालिका साई जीवन प्राथमिक कन्या शाळेच्या अनुष्का भोरे, सुप्रिया गोल्हार आणि शुभ्रा ढाणे या तीन विद्यार्थिनी जिल्हा गुणवत्ता यादीत येऊन शिष्यवृत्तीसाठी पात्र ठरल्या. त्यांना ३ वर्षांसाठी अनुक्रमे ५ हजार व ७५०० रुपये इतकी शिष्यवृत्ती मिळणार आहे.
या विद्यार्थिनींना इयत्ता ४ थीसाठी संदीप वाघमोरे तर इयत्ता ७ वीसाठी आबासाहेब पाळवदे आणि दिनेश पाखरे यांचे मार्गदर्शन लाभले. या यशाबद्दल पिंपरी चिंचवड महानगरपालिकेच्या उपायुक्त ममता शिंदे, शिक्षणाधिकारी संगीता बांगर, मुख्याध्यापिका मृगनयना चव्हाण, पर्यवेक्षिका प्रमिला जाधव आदींनी विद्यार्थिनींचे अभिनंदन केले.