किवळे, ता. १८ : शहरात विविध ठिकाणी नागरिकांना पाण्याच्या समस्येला सामोरे जावे लागत आहे. पालिकेच्या पाणी पुरवठा विभागाने याकडे गांभीर्याने लक्ष देण्याची गरज आहे. तरी देखील पालिका पाण्याच्या समस्येकडे दुर्लक्ष करीत असेल तर पालिकेवर हंडा मोर्चा काढण्यात येईल असा इशारा शहर शिवसेना महिला आघाडीच्या वतीने देण्यात आला आहे. याबाबत महिला आघाडीच्या चिंचवड विधानसभा संघटिका अनिता तुतारे, ज्योती भालके, रजनी वाघ, योगिनी राजीव यांनी पालिका आयुक्तांना निवेदन दिले आहे.
शहराला पवना धरणातून पाणीपुरवठा होतो. मानसी रोज १६५ लिटर पाणी मिळेल यानुसार पवना धरणातून रोज ५०० एमएलडी पाणी रावेत बंधाऱ्यात साठवले जाते, परंतु ५०० एमएलडी मधून पाण्याची चोरी किती होते, गळती किती होते ? यावर प्रशासन लक्ष देत नाही. केवळ हलगर्जीपणामुळे शहराला पाण्याच्या समस्येला तोंड द्यावे लागत आहे, एक महिन्याच्या आत हा प्रश्न निकाली लावला नाही तर हंडा मोर्चा काढणार असल्याचा इशारा दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.