किवळे, ता. १ : रावेत शिंदेवस्ती येथील पदपथ खासगी दुकानदारांनी गिळंकृत केल्याचे चित्र आहे. त्यांच्यावर पालिकेच्या अतिक्रमण विभागाने कारवाई करण्याची मागणी नागरिकांनी केली आहे. शिंदेवस्ती येथे पादचाऱ्यांना चालण्यासाठी बीआरटी ते लोहमार्ग असा अधिक रुंदीचा पदपथ पालिकेने बांधला आहे. परंतु स्थानिक जमीन मालकांनी त्यांची दुकाने पदपथापासून दहा फूट आत बांधणे अपेक्षित असताना पदपथाला लागून सर्व दुकाने बांधली गेल्याने खवय्ये आणि अन्य खरेदीसाठी येणारे नागरिक त्यांची वाहने चक्क पदपथावर लावतात. त्यामुळे लाखो रुपये खर्च करून बांधलेले हे पदपथ नक्की कोणासाठी? असा प्रश्न नागरिकांनी उपस्थित केला आहे.