किवळे,ता.२ : छत्रपती शिवाजी महाराज यांच्या सन्मानार्थ सकल हिंदू समाजाच्यावतीने किवळे येथे रास्ता रोको आंदोलन करण्यात आले. महापुरुषांच्या विटंबनेप्रकरणी दहा वर्षें सक्तमजुरीची शिक्षा देणारा कायदा संमत करावा, अशी मागणी आंदोलनकर्त्यांनी केली.
छत्रपती शिवाजी महाराज यांच्यासह अन्य महापुरुष व राष्ट्रीय प्रतीके यांच्या सन्मानासाठी सकल हिंदू समाजाच्यावतीने किवळेत वरील आंदोलन करण्यात आले.
पुण्यामधील हडपसर येथील गैरप्रकार सामाजिक बंधुतेला काळिमा फासणारा व सकल हिंदूंचा अपमान करणारा आहे. त्याचा निषेध करण्यासाठी आणि सामाजिक शांतता व सुरक्षा धोक्यात आणल्याबद्दल किवळेत हे आंदोलन करण्यात आले. त्यात, शेकडो कार्यकर्ते सहभागी झाले होते.