किवळे, ता. २९ : रावेत येथील अंतर्गत रस्त्यांवर भाजी विक्रेत्यांचे ठिकठिकाणी अतिक्रमण झाल्याचे दिसते. त्यामुळे वाहतुकीला अडथळा निर्माण होत आहे. रावेत परिसरातील शिंदे वस्ती ते एस. बी. पाटील शाळा रस्ता, म्हस्के वस्ती ते बीआरटी रस्ता, शिंदे वस्ती रस्ता, महावितरण कार्यालयाजवळ, आदर्शनगर ते किवळे रस्ता, रावेत धर्मराज पूल ते किवळेगाव रस्ता आदी ठिकाणी बाहेर गावच्या भाजी विक्रेत्यांकडून अतिक्रमण करून विक्री सुरू आहे. या विक्रेत्यांना स्थानिक पातळीवर पुढाऱ्यांचा आशीर्वाद आहे की, महापालिकेच्या अतिक्रमण विभागातील अधिकाऱ्यांचा, असा प्रश्न नागरिकांनी उपस्थित केला आहे.

रावेत : शिंदेवस्ती वस्ती ते एस. बी. पाटील शाळा रस्त्यावर भाजी विक्रेत्यांनी केलेले अतिक्रमण.