किवळे, ता. १७ : किवळे परिसरात दहीहंडी उत्सव रविवारी जल्लोषात साजरा झाला. पारंपरिक उत्साह, कलाविष्कार आणि गोविंदा पथकांच्या मनोऱ्यांनी परिसरात मोठी रंगत निर्माण झाली होती.
याक्स टेलर्स व मित्र परिवार, राजेशभाऊ मांढरे युवा मंचच्यावतीने विकासनगर येथील दहीहंडी सोहळ्याला कलाकार मोनालिसा बागल, राधा कुलकर्णी, अश्विनी बागल, विनिता सोनवणे, मेहंदी मुल्ला तसेच मालिका फेम राज मराठे यांनी उपस्थिती लावली. शंकर मांढरे, राजेश मांढरे, राकेश मांढरे यांनी संयोजन केले. मुकाई प्रतिष्ठानतर्फे मुकाई चौक येथे आयोजित दहीहंडी ही धारावी येथील शास्त्रीनगर गोविंदा पथकाने फोडली. विजेत्या पथकाला पारितोषिक प्रदान करण्यात आले. निमंत्रक नीलेश तरस यांनी संयोजन केले.