किवळे, ता. २९ : मामुर्डी प्रभाग क्रमांक १६ येथील लिटील अर्थ इमारतीसमोरच्या रस्त्यावर पडलेले खड्डे तत्काळ बुजवावेत, तसेच कचरा व्यवस्थापन, पाणीपुरवठा आणि वीज या मूलभूत सुविधांबाबत तातडीने उपाययोजना कराव्यात, या मागण्यांसाठी स्थानिक नागरिकांनी रास्ता रोको करत आंदोलन छेडले.
या आंदोलनादरम्यानच सोसायटीतील एका ज्येष्ठ नागरिकाचा पाय रस्त्यावरील खड्ड्यामुळे घसरला आणि त्यांना दुखापत होऊन रक्तस्राव झाला. या घटनेने नागरिकांत तीव्र संताप निर्माण झाला. या पार्श्वभूमीवर स्थापत्य उपअभियंता स्वप्निल शिर्के यांनी नागरिकांना आश्वस्त केले की, येत्या आठ दिवसांत पावसाचे प्रमाण कमी होताच डांबरीकरणाचे काम हाती घेण्यात येईल.
या वेळी बोलताना धर्मपाल तंतरपाळे यांनी सांगितले, ‘‘लोकांचे प्रश्न सोडवण्यासाठी प्रत्येकाने एकत्र प्रयत्न करायला हवेत. आठ दिवसांत काम न झाल्यास आपण पुन्हा मैदानात उतरले पाहिजे.
---