किवळे, ता. १६ : दिवंगत लोकनेते गोपीनाथ मुंडे यांच्या जयंतीनिमित्त राष्ट्रसंत भगवान बाबा पुणे जिल्हा कौटुंबिक महामेळावा सोमवारी उत्साहात पार पडला. या कार्यक्रमास समाजबांधव मोठ्या संख्येने उपस्थित होते.
संतोष महाराज खेडकर शास्त्री (एम. ए. संस्कृत) यांनी केलेल्या प्रवचनातून सामाजिक एकोपा, संस्कार आणि लोकनेते गोपीनाथ मुंडे यांच्या कार्याचा गौरव करण्यात आला. त्यानंतर पाहुण्यांचा सत्कार व मनोगताचा कार्यक्रम पार पडला. या प्रसंगी गुणवंत विद्यार्थ्यांचा विशेष सत्कार करण्यात आला. हा महामेळावा यशस्वी करण्यासाठी प्रियंका गंबरे व समाज बांधवांनी परिश्रम घेतले. कार्यक्रमास समाजातील विविध स्तरातील नागरिक, महिला व युवक मोठ्या संख्येने उपस्थित होते. सूत्रसंचालन डॉ. नारायण जायभाई यांनी केले. आभार प्रियंका गंबरे यांनी मानले.