किवळे, ता. २९ : जिल्हा परिषद, जिल्हा मुख्याध्यापक संघ (माध्यमिक) व गणित-विज्ञान अध्यापक संघ यांच्या वतीने तसेच पीईएस मॉडर्न गर्ल्स हायस्कूल यांच्या सहकार्याने आयोजित ५३ वे शहर पश्चिम विभागीय बालवैज्ञानिक प्रदर्शन पीईएस हायस्कूलमध्ये उत्साहात पार पडले. या वेळी माध्यमिक शिक्षण विभाग जिल्हा परिषद शिक्षणाधिकारी डॉ. भाऊसाहेब कारेकर, डॉ. प्रकाश दीक्षित, विराज खराटे, शिवाजी शिंदे, शिवाजी कामथे, उद्धव खरे उपस्थित होते. मुख्याध्यापिका वैशाली घोडके यांनी प्रास्ताविक केले. उपमुख्याध्यापिका डॉ. उज्वला मोरे व पर्यवेक्षिका अनुप्रती गाजरे यांनी मान्यवरांचा परिचय करून दिला. प्रदर्शनात ८२ शाळांनी सहभाग नोंदवून विविध विज्ञान प्रकल्प सादरीकरण, वक्तृत्व व निबंध स्पर्धांमध्ये उत्स्फूर्त सहभाग घेतला. पारितोषिक वितरणास विराज खराटे, नामदेव शेंडकर, नंदकुमार सागर, डॉ. कल्याणी जोशी उपस्थित होते. पुष्पा रामटेके यांनी सूत्रसंचालन केले. वर्षा दीक्षित यांनी आभार मानले.
---