देहूरोड, ता. ३१ : कॅन्टोन्मेंट शाळेतील सर्व विद्यार्थ्यांसाठी कोडिंग प्रोग्रॅमचे हॅकेथॉन कार्यक्रम आयोजित करण्यात आला. कॅन्टोन्मेंट आणि एडिगनाइट फाउंडेशन यांच्या विद्यमाने हा उपक्रम आयोजित केला जात आहे. गेल्या सात महिन्यांपासून कोडिंग, टिंकरकॅड, आर्टिफिशिअल इंटेलिजन्स शिकविण्यात आले. कॅन्टोन्मेंटचे मुख्य कार्यकारी अधिकारी हेमंतकुमार यादव, नामनिर्देशित सदस्य कैलाश पानसरे, आदित्य भेंडे यावेळी उपस्थित होते. एडिगनाइट फाउंडेशनच्या संस्थापक संचालक माधुरी शहाणे यांनी प्रास्ताविक केले. डिजिटल साक्षरतेच्या जगात कॅन्टोन्मेंट विद्यार्थ्यांनी टाकलेले कोडिंगचे पाऊल लक्षणीय असल्याचे यादव यांनी सांगितले.