वीराचार्य बाबासाहेब कुचनुरे यांच्या ३८व्या पुण्यतिथीनिमित्त 'एक पेड वीराचार्य के नाम' या उपक्रमाचे आयोजन करण्यात आले. वीर सेवा दल शाखा PUNE-PCMC यांच्या वतीने पुनावळे येथील ऑक्सिजन पार्कमध्ये हा वृक्षारोपण उपक्रम राबविण्यात आला.

या उपक्रमांतर्गत १६ ऑगस्ट रोजी वीर सेवा दलाच्या वतीने ६५ देशी वृक्षांची रोपे उपलब्ध करून देण्यात आली. यासोबतच कार्यक्रमाला उपस्थित असलेल्या वीरसैनिकांनी श्रमदान करत ऑक्सिजन पार्कमध्ये तब्बल ७०० झाडांचे वृक्षारोपण केले. पर्यावरण संवर्धनाचा संदेश देत वीराचार्यांच्या स्मृतींना पर्यावरणपूरक पद्धतीने अभिवादन करण्यात आले.

या उपक्रमात वीर सेवा दल शाखा PUNE-PCMC चे संघनायक प्रमोद पाटील, सुदर्शन वाकरे, प्रणव पाटील, अशोक खोत, पंकज जैन, सूरज खोत, अक्षय लखणे, संयम मगदुम आणि प्रतीक पाटील यांच्यासह शाखेतील वीरसैनिक आणि श्राविकांनी उत्स्फूर्त सहभाग नोंदवला.

वीराचार्य बाबासाहेब कुचनुरे यांच्या स्मृती जपत पर्यावरण संवर्धनाचा संकल्प प्रत्यक्ष कृतीतून साकारण्याचा हा उपक्रम ठरला.