लोणावळा, ता. ५ : विद्या प्रसारिणी सभेच्या व्हीपीएस प्राथमिक विद्यालयात विठुनामाचा जयघोष करत बालगोपाळांचा पालखी सोहळा रंगला. आषाढी एकादशीनिमित्त शाळेत पहिली ते चौथीच्या विद्यार्थ्यांसाठी पालखी सोहळा आयोजित करण्यात आला. व्हीपीएस हायस्कूलचे प्राचार्य सुहास विसाळ, इंग्लिश टिचिंग स्कूलचे मुख्याध्यापक दत्तात्रय पोटे, प्राथमिक विभागाच्या मुख्याध्यापिका मंगल जाधव आदी यावेळी उपस्थित होते.
संत तुकाराम, संत ज्ञानेश्वर, संत गोरा कुंभार, संत नामदेव, समर्थ रामदास, संत एकनाथ, संत निवृत्तीनाथ, संत मुक्ताबाई, संत जनाबाई या संतांच्या वेशभूषा करून विद्यार्थी आले होते. मुख्याध्यापिका मंगल जाधव यांनी वारीची माहिती, आपली मराठी संस्कृती याचे महत्त्व समजावून सांगितले. कार्यक्रम यशस्वितेसाठी मनिषा जरग, सुनिता वरे, कविता पंगुडवाले, संगिता पाटील, प्राजक्ता दिवसे, स्वप्नाराणी भालेराव, संजय भालचिम, प्रकाश पाटील, हनुमंत शिंदे, अमित रसाळ, जयश्री बागलकोटे यांनी विशेष परिश्रम घेतले. प्रकाश पाटील यांनी सूत्रसंचालन केले. सुनिता वरे यांनी आभार मानले.