लोणावळा, ता. १९ : लोणावळा शहर व ग्रामीण हद्दीत आठवडाभरात अल्पवयीन मुलींच्या विनयभंगाचे दोन व बलात्काराचा एक असे तीन गुन्हे उघड झाले. मंगळवारी (ता. १५) पवनमावळातील ठाकूरसाई येथे एका आदिवासी महिलेला जीवे मारण्याची धमकी देत एका तरुणाने अत्याचर केला. पोलिस निरीक्षक दिनेश तायडे यांच्या मार्गदर्शनाखाली तपास करीत पोलिसांनी काही तासांतच बाळू शिर्केला (रा. जवण क्र. १, मावळ) ताब्यात घेतले. रायवूड येथे अल्पवयीन मुलीच्या विनयभंग प्रकरणी सुरजीत समीर गुहा याला पोलिसांनी अटक केली. त्याने १४ वर्षीय मुलीचा वेळोवेळी पाठलाग करून तिचा मोबाईल नंबर मागितला व आक्षेपार्ह कृत्य केले. अधिक तपास फौजदार दीपाली पाटील करीत आहेत. कार्ला येथे एका अल्पवयीन मुलीस अज्ञात व्यक्तीने फूस लाऊन पळवून नेल्याचा प्रकार घडला.
----